Núgildandi reglur um ellilífeyri gerir ekki ráð fyrir því að útlendingar flytji til landsins. Tryggja þarf öllum lágmarks framfærslu lífeyri, en ekki eins og nú er. Fullur réttur á Íslandi miðast við 40 ára búsetu á aldrinum 16 – 67 ára. Réttur þeirra sem hafa búið hér skemur er reiknaður út hlutfallslega. Þetta býr til fátækragildru fyrir þann hóp (rúmlega 10%) sem búið hafa hér um skemmri tíma og mun fyrirsjáanlega þýða að sveitarfélögin munu þurfa að styðja þennan hóp.
Lágmarks framfærsla ellilífeyrisþega á að vera algjörlega undanþegin kvöð um tímabil sem viðkomandi hafi búið hér á landi. Hvort heldur við leysum það með borgaralaunum eða með öðrum hætti, þá er það óásættanlegt að þessi hópur sem fer stækkandi, muni í fyrirsjáanlegri framtíð þurfa að sækja framfærslubætur á hendur sveitarfélögum, sem ekki hafa fengið neinar auknar fjárheimildir frá ríkinu til að takast á við þetta vandamál. Tryggjum öllum sömu lágmarks framfærslu.
This content is created by the open source Your Priorities citizen engagement platform designed by the non profit Citizens Foundation