Á ýmsum opnum svæðum í Kópavogi vantar sárlega afþreyingu fyrir alla fjölskylduna s.s.leiktæki, nestisaðstöðu og jafnvel hugguleg kaffihús með góðri útiaðstöðu á grónu svæði. Vil ég sérstaklega benda á vel heppnuð leiksvæði s.s. við gamla Gufunesbæinn, í Kjarnaskógi fyrir norðan, Bjössaróló/Settutangi í Borgarnesi, leiksvæði húsdýragarðsins og leikvöllurinn í Súðavík, ekki endilega flókin svæði en vel heppnuð og spennandi fyrir alla fjölskylduna þar sem allirhafa ánægju á að staldra við.
Ætti ekki að þurfa að vera mjög dýrt í framkvæmd en mundi þjóna allri fjölskyldunni, ég fann fyrir því þegar ég flutti í Kópavoginn með lítil börn að það vantaði alveg svæði þar sem ég gat sleppt börnunum lausum á góðu og fjölbreyttu leiksvæði, annað en róluvellir og leikskólar um helgar. Eins þarf svæðið að vera aðlaðandi fyrir foreldrana. Það er vísir af þessu í Guðmundarlundi en mætti bæta, önnur kjöris svæði í mínu nærumhverfi mætti nefna s.s. Hlíðargarð, og opin svæði í kringum lækinn.
This content is created by the open source Your Priorities citizen engagement platform designed by the non profit Citizens Foundation