Bæta lýsingu við inngang að sundlauginni og banna reykingar við inngang hennar. Þá mætti fegra aðkomu að lauginni og planið. Koma upp góðum hjólagrindum í stað gjarðabananna sem nú eru. Taka stútana sem sulla vatni á alla sem eru í pottinum við aðalútganginn. Bjóða félagasamtökum að vera með veitingasölu á laugardögum og sunnudögum til fjáröflunar og skapa stemmingu í anddyrinu. Setja kaldan pott.
Sundlaugin er fjölsótt og fallegt umhverfi gleður gesti bæði sumar sem vetur. Aðkoman á veturna er vægast sagt drungaleg. Stútarnir sem frussa vatni eru sundlaugargestum til ama (nema auðvitað þeim sem eru að nota þá hverju sinni ) Reykingar við innganginn eru bagalegar gestum og óboðlegt börnum. Í mínum huga ætti að banna reykingar í nágrenni íþróttamannvirkja í Kópavogi og setja áberandi skilti þar að lútandi.
Þetta eru margar ólíkar hugmyndir. Sammála sumum en ekki öðrum.
Það mætti líka bæta við drykkjarbrunni við gufubaðið. Og algjörlega sammála með nuddstútana. Allavega loka fyrir þá þegar potturinn er stútfullur af fólki.
This content is created by the open source Your Priorities citizen engagement platform designed by the non profit Citizens Foundation