Árið 2013 birtust fréttir um að starfshópur á vegum Kópavogsbæjar og Reykjavíkurborgar hefðu lagt til að sundlaug yrði byggð í Fossvogsdalnum. Sundlauginni var ætlað að þjóna skólasundi og vera hverfislaug fyrir íbúa báðum megin í dalnum og um ,,græna" sundlaug væri að ræða, þ.e. engin bílaumferð væri að henna. Þessa hugmynd þarf að endurvekja.
Börn í hverfinu sækja skólasund með rútu í vesturbæinn. Rútan stoppar hjá Snælandsskóla sem er við íbúðagötu. Hætta hefur skapast þegar börn hlaupa yfir götuna fram hjá rútunni sem byrgir sýn á umferð. Það hafa orðið slys á börnum í rútunni til og frá sundkennslu, börn hafa misst af rútunnii og mengun fylgir rútuakstrinum. Í umhverfisstefnu Kópavogs er talað um áherslu á vistvænar samgöngur. Eins og staðan er í dag þurfa fjölskyldur í Snælandshverfi að keyra út úr hverfi til að iðka sund.
This content is created by the open source Your Priorities citizen engagement platform designed by the non profit Citizens Foundation