Ég sting upp á því að settur verði upp að minnsta kosti einn endurvinnslugámur (þó ekki nema bara til reynslu) til dæmis í Hamraborg eða þar í kring, fyrir plastumbúðir Kópavogsbúa. Nú á dögum safnast mikið plast upp á heimilum sem flokka og endurvinna, það væri kannski sniðugt að hafa aðgengilega endurvinnslugáma í göngufæri til að tæma plastsafnið í reglulega. Þetta gæti jafnvel verið hvetjandi fyrir fleiri að endurvinna meira, umhverfið kallar á hjálp nú þegar.
Það er allt of mikið plast notað í umbúðir og fæstir gefa sér tíma til að flokka endurvinnanlegt plast. Gámar í göngufæri gætu hvatt til frekari endurvinnslu. Hér getum við tekið Reykjavíkurborg okkur til fyrirmyndar: „Verði flokkun plasts sambærileg og pappírs eða um 60% þá mun magn plasts sem skilar sér til endurvinnslu verða 1520 tonn umfram það sem nú er.“ sjá: http://reykjavik.is/frettir/graen-tunna-fyrir-plast-i-reykjavik
Það eru nú þegar plastgámar víða....hægt að sjá hvar þeir eru á Sorpa.is.
Það var plastgámur í Hamraborg þar til einn daginn að það bráðvantaði þetta eina bílastæði sem gámurinn stóð á. Það er nauðsynlegt að gefa fólki kost á að flokka rusl óháð því hvort það er með bíl eða ekki.
En það vantar mjög gám í Hamraborg eða nágrenni. Gunndís bendir á að hann var fjarlægður, það eru því ekki allar upplýsingarnar réttar sem koma fram á listanum á Sorpuvefnum.
This content is created by the open source Your Priorities citizen engagement platform designed by the non profit Citizens Foundation