Göngustígur umhverfis Vífilstaðavatn

Það myndast pollar og drulla á nokkrum stöðum á göngustígnum í kringum Vífilstaðavatn sem verður þess valdandi að fólk fer út fyrir stíginn með tilheyrandi skemmdum. Það er auðvelt að koma í veg fyrir þetta með því að bæta möl í stíginn á völdum stöðum til að koma í veg fyrir að vatn safnist fyrir á stígnum. Stígurinn er gríðarlega mikið notaður og það myndast fljótt skemmdir í kringum hann ef stígnum er ekki haldið vel við.

Þessi hugmynd fellur ekki innan skilyrða lýðræðisverkefnisins Betri Garðabær og fer því ekki í kosningu. Margar hugmyndir sem féllu ekki innan skilyrða verkefnisins verður komið áfram til viðeigandi sviða innan sveitarfélagsins. Listi með öllum hugmyndum sem bárust í hugmyndasöfnun ásamt afstöðu matshóps við hverri hugmynd er að finna á vef Garðabæjar. Við þökkum þér kærlega fyrir þátttökuna í hugmyndasöfnun Betri Garðabæjar og vekjum um leið athygli á því að kosningahluti verkefnisins er farin af stað og hvetjum við þig til að taka þátt. Kynntu þér kosningarnar nánar á vef Garðabæjar, www.gardabaer.is. Með kveðju, verkefnahópur Betri Garðabæjar.