Mikið væri dásamlegt að fá alvöru torg eða grænt svæði í stað bílastæðanna á Garðartorgi og hafa stæðin eingöngu neðanjarðar. Þá gætu veitingastaðirnir, ísbúðin og kaffihúsið sem er á leiðinni verið með almennilegt útisvæði. Frábært væri að hafa líka smá leiksvæði fyrir börn með leiktækjum. Þetta finnst mér sárvanta í miðbæinn! Notalegan stað þar sem bæjarbúar og gestir geta hist, utandyra.
Sjá lýsingu á hugmynd 😉
Það eru nú þegar bílastæði neðanjarðar og líka alls staðar í kringum Garðatorg. Samkomusvæði styrkir bæjarbrag og skapar vettvang fyrir hátíðahöld. Til að halda í aðgengi að verslunum sem eru þarna væri hægt að taka bara hluta af svæðinu í þessa tilraun.
Þessi hugmynd fellur ekki innan skilyrða lýðræðisverkefnisins Betri Garðabær og fer því ekki í kosningu. Margar hugmyndir sem féllu ekki innan skilyrða verkefnisins verður komið áfram til viðeigandi sviða innan sveitarfélagsins. Listi með öllum hugmyndum sem bárust í hugmyndasöfnun ásamt afstöðu matshóps við hverri hugmynd er að finna á vef Garðabæjar. Við þökkum þér kærlega fyrir þátttökuna í hugmyndasöfnun Betri Garðabæjar og vekjum um leið athygli á því að kosningahluti verkefnisins er farin af stað og hvetjum við þig til að taka þátt. Kynntu þér kosningarnar nánar á vef Garðabæjar, www.gardabaer.is. Með kveðju, verkefnahópur Betri Garðabæjar.
This content is created by the open source Your Priorities citizen engagement platform designed by the non profit Citizens Foundation