Hringtorg á gatnamótum Löngulínu og Vífilsstaðavegar

Það væri miklu betra flæði á þessum gatnamótum með hringtorgi og þar af leiðandi miklu minni slysahætta. Umferðin er alltaf að aukast þarna með meiri byggð, sem eykst jafnt og þétt.

Í “Breytingu á deiliskipulagi” Sjálands dags. 22.05.15 er teiknað hringtorg á mótum Löngulínu, Vífilsstaðavegar og Skeiðaráss. Brýnt er að hraða gerð þess. Umferð er hröð um Vífilsstaðaveg í báðar áttir á þessu svæði en hringtorg mundi hægja verulega á umferð og auðvelda vinstri beygju frá Löngulínu og inn á Vífilsstaðaveg. Þessi vinstri beygja getur verið varasöm, einkum fyrir aldraða og oft svifaseina íbúa Sjálands.

Þessi hugmynd fellur ekki innan skilyrða lýðræðisverkefnisins Betri Garðabær og fer því ekki í kosningu. Margar hugmyndir sem féllu ekki innan skilyrða verkefnisins verður komið áfram til viðeigandi sviða innan sveitarfélagsins. Listi með öllum hugmyndum sem bárust í hugmyndasöfnun ásamt afstöðu matshóps við hverri hugmynd er að finna á vef Garðabæjar. Við þökkum þér kærlega fyrir þátttökuna í hugmyndasöfnun Betri Garðabæjar og vekjum um leið athygli á því að kosningahluti verkefnisins er farin af stað og hvetjum við þig til að taka þátt. Kynntu þér kosningarnar nánar á vef Garðabæjar, www.gardabaer.is. Með kveðju, verkefnahópur Betri Garðabæjar.