Í augnablikinu virðist ekki vera hægt að skila rafrænt upplýsingum um óreglulega verktöku. Þegar verktaki skráir sig á staðgreiðsluskrá þarf að gefa upp áætlað mánaðarlegt reiknað endurgjald. Þetta á mjög illa við þegar fólk vill taka tilfallandi verkefni sem kannski eru mjög óregluleg. Núna þarf að setja þessa áætlun í 0 kr. og senda tölvupóst á starfsfólk skattsins í hvert skipti sem greiðsla fyrir verkefni berst.
Flækjan í kringum skattkerfið veldur því að einstaklingar reyna frekar að fara framhjá því að skila réttum upplýsingum til skattsins. Ef hver sem er getur skilað inn upplýsingum á einfaldan hátt um hvaða tekjur hann var að fá borgaðar sem verktakagreiðslu og það kerfi sæi einnig um útreikninga á skattþrepum og öðru myndi það hvetja fólk til að standa í skilum. Ég vil ganga svo langt að fólk ætti ekki að þurfa að skrá sig á staðgreiðsluskrá fyrirfram.
This content is created by the open source Your Priorities citizen engagement platform designed by the non profit Citizens Foundation