Þar eð ekki er hægt að treysta á löggjafasamkomu okkar eður verkalýðshreyfingu. Og enn síður samtök eldri eða öryrkja, er nauðsynlegt að setja þennan rétt í stjórnarskrá, svo misvitrir og stuttsjáandi stjórnmálamenn krukki ekki í þessa aura, þegar þarf að spara heldur beini sjónum sínum að þeim sem betur mega sín. Það hefur sýnt sig gegnum áratugina að fjárveitingarvaldið hefur ekki betri hugmyndir en sð skera niður hjá þeim sem minnst mega við því og eiga erfitt með að verja sig.
Ísland er ríkt land, en hefur vegna slælegrar framgöngu verkalýðshreyfingar og samtökum lífeyrisþega dregist verulega niður á síðustu árum. Tugþúsundir lifa undir fátækramörkum. Biðraðir lengjast í von um að fá mat og aðrar nauðsynjar gefins. Sannarleg framfærsluviðmið eru ekki til svo ekki þurfi að sjá þessar tölur á svörtu og hvítu. Framfærsluviðmið Umboðsmanns skuldara og Velferðarráðuneytisins eru hugsaðar til að þjóna vissum hagsmunum og til styttri tíma.
This content is created by the open source Your Priorities citizen engagement platform designed by the non profit Citizens Foundation