Undirgöng eða gangbrautarljós við gangbraut yfir Salaveg

Börn sem fara í Salaskóla þurfa að fara yfir þessa gangbraut og það þarf varla að taka fram að umferðin frá Arnarnesvegi inn á Salaveg er mjög mikil á morgnana þar sem verið er að keyra börn í leikskólann, íbúar hverfisins fara þarna út úr hverfinu til vinnu og mikill akstur vegna Roðasala 1 og dominos seinnipart dags. Þarna ættu að vera undirgöng til að börn og unglingar geti farið alla leið í skólann án þess að fara yfir umferðargötu.