Dýr og lífríki eru mjög mikilvægur þáttur í samfélaginu, sum beint og önnur óbeint. Við skulum setja varúðarákvæði um dýravernd í stjórnarskrá og velferðarákævði í löggjöf þannig að velferð dýra njóti vafans í ákvarðanatöku er varðar dýrahald. Með lögum skal einnig kveðið á um vernd dýra gegn illri meðferð og dýrategunda í útrýmingarhættu.
Mér finnst einhvernvegin að nútímaleg stjórnarskrá hljóti í það minnsta að innihalda ákvæði sem kveður skýrt á um bann við illri meðferð dýra.
Yfirvöld eiga ekki að geta tekið dýr af heimili sínu og drepið. Fara á með gæludýr á sama hátt og barnavernd. Dýrið eigi sín réttindi og rétt á að lifa við góðar aðstæður. Spurning um DNA skráningu og að um leið sé haldið utan um ættir dýra. Ef hundur bítur þarf að meta afhverju og aðstæður. Afhverju taldi hann/hún nauðsynlegt að verja sig með biti?
Stjórnarskrárvarinn réttur dýra til velferðar styrkir alla opinbera umgjörð dýraverndarmála, þá er best að hafa varúðarsjónarmið þannig að velferð dýra njóti vafans í öllu dýrahaldi. Með varúðarsjónarmiði er velferð dýra sett í forgang þar sem við á, framar sérhagsmunum fyrirtækja og sparnaði í kerfinu, t.d. þegar dýr finnast eða upp koma neyðartilfelli þar sem ódýrasti kosturinn, aflífun, er oft valinn sjálfkrafa af yfirvöldum eða að úrlausnir tefjast vegna formsatriða í stjórnsýslunni.
This content is created by the open source Your Priorities citizen engagement platform designed by the non profit Citizens Foundation