Stykkishólmsbær taki í notkun samráðsvefinn www.betraisland.is. Bærinn myndi verja ákveðnum hluta af tekjum bæjarins ár hvert í framkvæmdir sem íbúar velja sjálfir í gegnum vefinn. Á honum verði hægt að koma með tillögur að smærri verkefnum til úrbóta fyrir nærumhverfið. Hugmyndirnar sem berast verða kostnaðar- og raunhæfismetnar og íbúar kjósa síðan um þau verkefni sem þeim þykir mikilvægust. Verkefnin sem fá flest atkvæði fara síðan í framkvæmd.
Egfagna því að fá tækifæri til að koma með hugmyndir og hafa áhrif á hvað á að framkvæma til að gera bæinn okkar betri fyrir okkur sem búum í Stykkishólmi og þá sem heimssækja okkur.
Önnur sveitarfélög á Íslandi hafa nýtt sér sambærilega hugmyndasöfnun með góðum árangri. Hugmyndasöfnun sem þessi auðveldar íbúum að koma hugmyndum sínum og skoðunum á framfæri. Auðveldar einnig bæjarfulltrúum vinnuna við að forgangsraða og verða við óskum íbúa á lýðræðislegan máta.
This content is created by the open source Your Priorities citizen engagement platform designed by the non profit Citizens Foundation