Það er ömurlegt að ferðast um landið og borga fyrir að njóta náttúrunnar líkt og um Disneygarð væri að ræða. Það búa verðmæti og fegurð í fríu aðgengi og er það eitt af því sem skapar okkar ímynd og sérstöðu. Engu að síður þarf að byggja upp aðstöðu og reka þessa staði og þann kostnað á að greiða með því að innheimta gjald við allar gistinætur (hótel, tjald, húsbíll, allir). Það gjald ætti að renna í sjóð sem að ferðaþjónustan sjálf rekur en ekki ríkið
Úr því að allir er eru sammála um að ferðamaðurinn er sá sem á að borga kostnaðinn þá sé ég ekki hvers vegna það þarf að búa til ömurleg störf við að innheimta gjald við komu á staði. Stóra meinsemdin er að þetta rústar upplifuninni, það einfaldlega rýrir verðmæti staðarins. Innheimtum þetta gjald með einföldum hætti í samræmi við lengd viðkomu á landinu. Komugjald er ósanngjarnt því það leggst jafnt á þann sem stoppar í 1 dag eða 30 daga.
This content is created by the open source Your Priorities citizen engagement platform designed by the non profit Citizens Foundation