Aukum sjálfsákvörðunarrétt einstaklingsins í lögum nr. 57/2012 þannig að ákvörðun um kynleiðréttandi aðgerðir verði í meira mæli á valdi einstaklingsins sjálfs. “Þriðja kynið” verði lögformlega viðurkennt í opinberum skráningum, svo sem í vegabréfum. Núgildandi skylda til nafnbreytingar samhliða leiðréttingu á ytri kynfærum skv. 8. gr. laga nr. 57/2012 verði afnumin.
Það hvort kynvitund manneskju sé ásættanleg er ekki nokkuð sem ríkisvaldið á að taka að sér að ákveða eða setja skilyrði fyrir. Kynvitund er margslungin og þó hún tengist líkamlegu kyni og félagslegu atgervi, er hún á endanum aldrei sannreynanleg utan við manneskjuna sem upplifir hana og hið opinbera á ekki að setja stól fyrir dyrnar þegar kemur að tjáningu fólks á eigin sjálfsvitun.
This content is created by the open source Your Priorities citizen engagement platform designed by the non profit Citizens Foundation