Samgöngumál á Vestfjörðum eru í ólestri. Það þarf að spýta hressilega í. Vegurinn um Gufudalssveit hefur verið að velkjast um í kerfinu í óratíma. Vegurinn í Árneshrepp eru forneskjulegur og ekki mokað þangað frá áramótum og fram að páskum.
Það þarf að bæta verulega í fjármagn til vegaframkvæmda á Vestfjörðum. Í Samgönguáætlun er sett fé í þessar framkvæmdir, en síðan er fjármagnið til þeirra skorið svo mikið niður í fjárlögum að það er ekki hægt að gera neitt. Þetta er lífsspursmál fyrir byggð í þessum landsfjórðungi, bæði vegna þess að umferð flutningabíla hefur stóraukist samfara fiskeldi og þessir gömlu leirkenndu vegir á sunnanverðum Vestfjörðum þola hana enganveginn. Árneshreppur leggst í eyði verði samgöngur ekki bættar.
Það er búið að bíða allt of lengi eftir Teigskógarvegi og er löngu orðin brýn þörf á að fara að byrja á verkefninu !
Sammála Skúla.
Bent hefur verið á aukna ferðaþjónustu sem mótvægi gegn fækkun starfa á Vestfjörðum. Ferðaþjónusta þarfnast bættra samgangna. Vegakerfið á sunnanverðum kjálkanum og á ströndunum er svo langt frá því að uppfylla kröfur um nútímavegi að það er full þörf á að bæta þar við fjármagni.
This content is created by the open source Your Priorities citizen engagement platform designed by the non profit Citizens Foundation